do hii lafzo.n kaa thaa ye afasaanaa
jo sunaa kar Kaamosh ho baiThaa
ibtidaa ye ke tumako paayaa thaa
intihaa.N ye ke Kud ko kho baiThaa

sunaauu.N kisako afasaanaa na apanaa hai na begaanaa
likhaa hai merii qismat me.n jahaa.N kii Thokare.n khaanaa

agar ye bhii nahii.n to phir junuu.N kii intihaa.N kyaa hai
ke diiwaane bhii ab kahane lage hai.n mujhako diiwaanaa

bharii duniyaa me.n is dil ko akelaa chho.Dane waale
tumhe.n gulashan mubaarak ho mujhe meraa ye viiraanaa