jaan sake to jaan
tere man me.n chhupakar baiThe dekh tere bhagavaan
jaan sake to ...

sadiyaa.N biitii.n lekin teraa diip na bujhane paayaa
terii puu.njii man kii daulat sabase uu.Nchii maayaa
( siitaa jaisii shakti tujhame.n ) -2 paarvatii sii aan
jaan sake to ...

ko_ii na teraa na ko_ii meraa saare naate jhuuThe
TuuTe dil kii aas to kyaa aas na usakii chhuuTe
( vahii sachchaa teraa svaamii ) -2 maan are i.nsaan
jaan sake to ...

ghar bhii chhuuTaa dar bhii chhuuTaa Dhuu.NDhe rain-baseraa
Gam ke gahare baadal chhaa_e chaaro.n or a.Ndheraa
nirdhan ke dukh-dard ko kyo.n kar jaan sake dhanavaan
jaan sake to ...

nain a.Ndheraa rastaa suunaa bhaTake jaa dukhiyaarii
tere dil kii raakh me.n jalatii aaj bhii ik chi.ngaarii
haar na qismat kabhii to hogii raah terii aasaan
jaan sake to ...

paapo.n kii apane dekho muurkh aap sazaa hai paataa
jo bhii siidhii raah me.n bhaTake jo.D na usase naataa
dil me.n laakho.n tuufaa.N jaage aa.Nkh na lekin ro_e
karm kaa paalan karane vaalii aan apanii kho_e
dekho-dekho mamataa ( pyaar kaa de balidaan ) -2
jaan sake to ...