khulii havaa me.n Dole re aaj meraa man bole re

dil kii davaa le ke aa_egaa saa.Nvariyaa
badariyaa jo chhaa_ii sa.ndesavaa aisaa laa_ii
ki sun-sun mai.n to sharamaa_ii ghabaraa_ii
kisii ne chorii-chorii mere ghuu.NghaT ke paT khole re
dil kii davaa le ke ...

laaj kii maarii mai.n to hu_ii re baavariyaa
mai.n a.Nkhiyaa.N jhukaa_uu.N yaa mukha.Daa chhupaa_uu.N
samajh me.n na aa_e haay kit jaa_uu.N
aaj kisii ne mujhe pukaaraa pyaar se haule-haule re
dil kii davaa le ke ...