Tim-Tim karate taare ye kahate hai.n saare
so jaa tohe ni.ndiyaa pukaare
Tim-Tim karate ...

sapano.n ke desh chandaa maamaa raajaa
bulaa rahaa hai bajaakar suro.n kaa baajaa
chorii-chorii khi.Dakii se karataa hai ishaare
Tim-Tim karate ...

ra.ng-bira.ngii pariyaa.N tujhe jhuulaa jhulaa_e.Ngii
billii-totaa-mainaa kii kahaanii bhii sunaa_e.Ngii
achchhe-achchhe tujhe khilaune de.ngii pyaare-pyaare
Tim-Tim karate ...

baadalo.n kii paalakii pe tujhako biThaa ke
chandaa maamaa saaraa jag laa_egaa ghumaa ke
lauT ke aa_e shaan se raajaa dvaare
Tim-Tim karate ...