tum apanii yaad bhii dil se
- Movie: Yasmin
- Singer(s): Lata Mangeshkar, Talat Mehmood
- Music Director: C Ramchandra
- Lyricist: Jaan Nisar Akhtar
- Actors/Actresses: Vyjayantimala, Jayant, Suresh
- Year/Decade: 1955, 1950s
View: Plain Text, हिंदी Unicode, image
talat:
tum apanii yaad bhii dil se bhulaa jaate to achchhaa thaa
lataa:
ye do aa.Nsuu lagii dil kii bujhaa jaate to achchhaa thaa
talat:
mere aramaa.N bhii le jaate merii hasarat bhii le jaate -2
nazar se chiin kar apanii hasii.n suurat bhii le jaate
a.ndhere aur in aa.Nkho.n me.n chhaa jaate to achchhaa thaa
tum apanii yaad bhii ...
lataa:
mere dil kii muhabbat kaa yaqii.n kab tum ko aayaa thaa -2
jahaa.N sau zulm Dhaaye the jahaa.N dil ko miTaayaa thaa
mujhe bhii apane haatho.n se miTaa jaate to achchhaa thaa
ye do aa.Nsuu lagii dil kii ...
talat:
meraa dil pher de merii nishaanii pherane vaale -2
lataa:
jo mumakin ho to lauTaa do merii aahe.n mere naale -2
ham apane dil kaa khoyaa chain paa jaate to achchhaa thaa
ye do aa.Nsuu lagii dil kii ...
Comments/Credits:
% Transliterator: K Vijay Kumar % Date: December 8, 2000 % Comments: LATAnjali series