bastii-bastii parvat-parvat gaataa jaa_e ba.njaaraa
leke dil kaa ikataaraa
bastii-bastii parvat-parvat ...

pal do pal kaa saath hamaaraa pal do pal kii yaarii
aaj nahii.n to kal karanii hai ( chalane kii taiyaarii ) -2
bastii-bastii parvat-parvat ...

qadam-qadam par honii baiThii apanaa jaal bichhaa_e
is jiivan kii raah me.n jaane ( kaun kahaa.N rah jaa_e ) -2
bastii-bastii parvat-parvat ...

dhan-daulat ke piichhe kyo.n hai ye duniyaa diivaanii
yahaa.N kii daulat yahaa.N rahegii ( saath nahii.n ye jaanii ) -2
bastii-bastii parvat-parvat ...

sone-chaa.Ndii me.n tulataa ho jahaa.N dilo.n kaa pyaar
aa.Nsuu bhii bekaar vahaa.N par ( aahe.n bhii bekaar ) -2
bastii-bastii parvat-parvat ...

duniyaa ke baazaar me.n aaKir chaahat bhii vyaapaar banii
tere dil se unake dil tak ( chaa.Ndii kii diivaar banii ) -2
bastii-bastii parvat-parvat ...

ham jaiso.n ke bhaag me.n likhaa chaahat kaa varadaan nahii.n
jisane hamako janam diyaa vo ( patthar hai bhagavaan nahii.n) -2
bastii-bastii parvat-parvat ...