jab jaag uThe aramaa.n, to kaise nii.nd aaye
- Movie: Bin Baadal Barsaat
- Singer(s): Hemant Kumar
- Music Director: Hemant Kumar
- Lyricist: Shakeel Badayuni
- Actors/Actresses: Asha Parekh, Biswajeet
- Year/Decade: 1963, 1960s
View: Plain Text, हिंदी Unicode,
imagejab jaag uThe aramaa.n to kaise nii.nd aae
ho ghar me.n hasii.n mehamaa.n to kaise nii.nd aae, nii.nd aae
jab jaag uThe aramaa.n to kaise nii.nd aae
(ye raat ye dil kii dha.Dakan ye ba.Dhatii huii betaabii
ik jaam kii khaatir jaise bechain ho koii sharaabii ) - (2)
sholo.n me.n girii ho jaan to kaise nii.nd aae
jab jaag uThe aramaa.n to kaise nii.nd aae
(nazadiik bahut hai ma.nzil phir bhii hai Gazab kii duurii
ai dil ye tuu hii batalaa de ye kaun sii hai majabuurii ) - (2)
jab soch me.n ho inasaa.n to kaise nii.nd aae
ho ghar me.n hasii.n mehamaa.n to kaise nii.nd aaye, nii.nd aae
jab jaag uThe aramaa.n to kaise nii.nd aae
Comments/Credits:
% Credits: C. S. Sudarshana Bhat (cesaa129@utacnvx.uta.edu) % Preetham Gopalaswamy (preetham@src.umd.edu)
image