ye aalam shauq kaa dekhaa na jaaye
wo but hai yaa Kudaa dekhaa na jaaye

ye kin nazaro.n se tumane aaj dekhaa
ke teraa dekhanaa dekhaa na jaaye

hameshaa ke liye mujhase bichha.D jaa
ye ma.nzar baarahaa dekhaa na jaaye

Galat hai jo sunaa par aazamaa kar
tujhe ai baa-wafaa dekhaa na jaaye

ye maharuumii nahii.n paas-e-wafaa hai
ko_ii tere siwaa dekhaa na jaaye

'faraaz' apane siwaa hai kaun teraa
tujhe tujhase judaa dekhaa na jaaye